《夜王》观后感1200字

《夜王》观后感
春节电影推荐

今年春节档电影我净系对《夜王》感兴趣，年初四上，我年初六先有时间去睇。今期讲下感受。

电影简介


电影感想

01


睇返上映时间，估唔到新马仲早上过香港。
我睇完真系觉得好好睇，我觉得后半段设局𠮶度好惊心动魄。睇到我都有啲惊，唔知最后会唔会成功。
谂到Mimi会唔会因为妒忌V姐后面特登唔配合，又或者Coco唔想放弃难得上岸机会反悔。后尾发觉都系我自己谂多咗。
虽然啲演员之前都睇过佢哋啲戏，但唔会因为之前嘅角色令我喺呢部戏出戏。
我发嘅圈：

网上话冇删减，但对白系唔同嘅：

尤其「含nan」变「抱抱」「埋单」先搞嘢，「抱抱」最低限度起码都变「揽揽」啊。我睇过一下原版对白，就笑咗喇。

02


我啲笑点同人哋唔同，好多人都笑，我冇笑。
到V姐同Mimi试同一对鞋，个sales话得返一对38号，叫两个人都可以试，V姐大意上系话「噉试啱又点啊？一人一只啊？」𠮶阵，我先笑，其余都冇笑。
不过我觉得一出戏唔一定要好笑先好睇，仲可以有其他嘢值得佢好睇。
有个疑问系，影片中欢哥同土地倾偈𠮶阵，欢哥抌咗啲嘢落去土地只杯度，土地一饮而尽𠮶个系咪一只麻雀？如果有睇嘅朋友仔可以话我知。
03


都几钟意Mimi，𠮶个演员廖子妤真系好靓。呢个角色唔纠缠，走得干净利落，性格几nice。我觉得佢同欢哥都有啲可惜。

佢同扮演峰少嘅卢镇业系一pair，不过百科都冇写，喺影音号同自媒体睇到系噉：

啲演员演得好松弛，张弛有度，唔会令人出戏。
国内𠮶啲，特别小鲜肉、整容女拍网剧短剧𠮶啲，平时各平台成日弹出嚟，睇一眼都顶唔顺，唔知点解都会有人追呢啲剧。
04


Coco呢个角色都几好，好多反转，𠮶个王丹妮演员之前拍梅艳芳，我都有写：
《梅艳芳》海报
去幸福蓝海观影《梅艳芳》 及影评＆粤语用字“先”&《粤语有几重要》
佢拍咩戏我都觉得好睇，佢都经已结婚有一个囡囡：

05


唔知点解戏入边欢哥有同Mimi kiss，但都冇同V姐kiss嘅镜头。
睇TVB《一周星星》采访黄子华话希望下套戏唔想拍啲亲热镜头，但《饭气攻心》佢同邓丽欣、林明祯都有kiss，仲有《乜代宗师》同刘心悠都有kiss。
欢哥应该都在意Mimi，如果唔系点解见到佢同姚生跳舞就表情唔对路，只不过喺V姐面前口硬话唔在意啫。
V姐系佢最爱𠮶个，但10年咁长时间有红颜知己，要解决生理需求，无可厚非。
如果可以三妻四妾，欢哥大婆肯定系V姐，二奶可能会系Mimi，觉得佢都有啲感情。
白玫瑰红玫瑰，得到白玫瑰，红玫瑰就系心口朱砂痣，白玫瑰就系黐喺衫度一粒干咗嘅白饭粒；
得到红玫瑰，白玫瑰就系天上白月光，红玫瑰就系墙上一挞干咗嘅蚊螆血。
06


黄子华近几年4出电影都好睇，每部我都有睇，都有写低：
《饭戏攻心》都（仲）系觉得你最好
《毒舌大状》非“律师”咁简单
终于会上画！黄子华新戏推荐——《破·地狱》
《破・地狱》删减、观后感及亲身感悟
《破・地狱》最有feel片段、片尾诗词解析、注音及感悟
我觉得黄子华真系越嚟越有味道，佢嘅年龄仲大过我妈，做得我老豆嘅人，但系觉得依然对佢好迷恋。
我冇恋父情结，但系对黄子华好有feel。我谂佢而家都系好多人嘅梦中情人。

又有学识，饱读诗书，真系好正，好有魅力！钟意有才华嘅人。佢而家嘅样真系觉得好过后生。有时间嘅沉淀更有型。
以前细个最印象深刻就系佢《状王宋世杰2》嘅衰人，佢刻画人物入木三分，真系觉得𠮶个人好乞人憎：

《男亲女爱》虽然好多人钟意，但系因为我𠮶阵觉得郑裕玲配黄子华，呢对CP我觉得女方有啲老，加上我好惊曱甴，所以冇睇。
《栋笃神探》我就好钟意黄子华同蔡少芬呢对CP。

07


郑秀文细细个我就睇佢拍戏，最印象深刻就系《大头绿衣斗僵尸》，入边飘雪、飘红都好靓：

仲有《宠物情缘》，只主题曲好好听：

电影都用返郑秀文以前嘅歌做改编作为插曲同片尾曲，觉得配得好好，好应景，以前嘅歌可以咁啱，真系某种缘份，佢哋采访都有讲到呢点：
08


今次配角饰演结衣嘅邓丽英，觉得佢好出彩，不过唔知点解冇佢换靓衫接客嘅情景喺电影度展示，网上有番外篇，不过同剧情无关。
越睇得多有关佢嘅资料就好佩服佢，佢唱歌都好好听，我觉得佢之后应该更加前途无量：

09


关于「东日」呢个名，我睇到字幕系缩写EJ，E for east，J for咩？唔通系......
查咗下DS：

我开头都谂到系噉，不过都谂会唔会J系「日」嘅粤拼首字母jat?
黄子华之前颁奖礼讲钓鱼台，按道理佢应该唔会用Japan做夜总会名嘅。
点解唔用ES呢？S for sun。我又谂会唔会EJ系enjoy缩写。
唔知点解路演、幕后采访咁多人问问题，冇人问过有关𠮶个场嘅名缩写点嚟嘅？
好多时我会留意啲detail。我会钟意谂英文字母对应嘅原单字。
譬如自动波啲波档，我都要将英文字母谂返原身嘅单字意思，噉记档位容易啲。可能英文会容易记啲。R - Reverse，N - Neutral之类。